:ingeyskur sagnagarður

ÞINGEYSKUR SAGNAGARÐUR

Þingeyskur sagnagarður á lénið www.sagnagardur.is.
Verið er að vinna vefsíðu fyrir félagið.

Félagið er félag áhugamanna og annarra aðila.

Þingeyskur sagnagarður afmarkast af Þorgeirskirkju, Goðafossi og Þingey, Þingeyjarsveit. Í framtíðinni má þó gera ráð fyrir að útvíkka megi starfsemina og þá staði sem sagnagarðurinn nær til eftir því sem tilefni gefast.

Þorgeirskirkja. Ljósm.: Símon Sverrisson.

Félagið er öllum opið og eru félagar nú um 30 talsins.
Þingeyskur sagnagarður hefur nú fengið styrki frá eftirtöldum aðilum:
Kísilgúrsjóði: 150 þ.kr. (2005)
Pokasjóði: 750 þ.kr. (2005)
Ráðstöfunarfé samgönguráðherra: 400 þ.kr. (2005)
Kísilgúrsjóði: 200 þ.kr. (2006)
Menntamálaráðuneytið: 100.000 (2006)
Pokasjóður: 500.000 (2007)
KEA v/flygils: 500.000 (2008)
Þingeyjarsveit v/flygils: 300.000 (2008)
Avant: 100.000 (2008)
Þjóðhátíðarsjóður: 900.000 (2008)

Þá stendur Þjóðkirkjan straum af kostnaði vegna starfsmanns í Þorgeirskirkju yfir sumarið sem tekur á móti ferðamönnum, leiðbeinir og liðsinnir og stendur fyrir kyrrðarstund í lok hvers dags.

Stjórn Þingeysks sagnagarðs skipa:

Jóhann Guðni Reynisson, formaður, Hellu

Sr. Jón Aðalsteinn Baldvinsson, varaformaður, Hólum

Margrét Sólveig Snorradóttir, gjaldkeri, Hriflu

Stjórnin er sú fyrsta, kjörin á stofnfundinum í Þorgeirskirkju 23.2.2005 og endurkjörin á aðalfundum 2005 og 2006.

Goðafoss. Ljósm.: Símon Sverrisson.

Tilgangur félagsins er að afla nýrrar þekkingar og safna saman og miðla fyrirliggjandi söguþekkingu til þeirra sem leið eiga um svæðið.

Meginmarkmið félagsins eru:

- Að stuðla að varðveislu sagnfræðilegra fornminja, þjóðsagna og annarra menningarminja á svæðinu.

- Að efla rannsóknir á íslenskri miðaldamenningu og kristnisögu með samvinnu fræðimanna, fyrirtækja, stofnana og einstaklinga með áherslu á hagnýta notkun og framsetningu sögulegrar þekkingar.

- Að undirbúa og framkvæma deiliskipulagsgerð fyrir svæðið.

- Að skapa styrkari forsendur fyrir menningartengda ferðamennsku með:

o Gerð merkinga og upplýsingaskilta

o Gerð gönguleiða og bættu aðgengi að helstu sagnastöðum í sagnagarðinum

o Útgáfu fræðsluefnis um sögu svæðisins

o Nýtingu upplýsingatækni við miðlun sögu svæðisins og einstakra menningarminja

o Hefðbundnum og nýstárlegum viðburðum og dagskrá fyrir heimamenn og gesti.